ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေးအသိပညာပေးဆွေးနွေးပွဲ
(၁၇.၈.၂၀၂၅) နေ့က ပထမပုဂ္ဂလိကဘဏ်လီမိတက်၊ ဘဏ်သင်တန်းခန်းမ၌ ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေး အသိပညာပေးဆွေးနွေးပွဲကို ပြုလုပ်ခဲ့ရာ ငွေကြေးဆိုင်ရာ စုံစမ်းထောက်လှမ်းရေးအဖွဲ့မှ ရဲမှူးကြီးမြင့်စိုးမှ ဆွေးနွေးပို့ချ ခဲ့ပါသည်။ အသိပညာပေးဆွေးနွေးပွဲသို့ အမှုဆောင်အရာရှိချုပ် နှင့် အရာရှိချုပ်များ၊ ဘဏ်ရုံးချုပ်ရှိ ဌာနတာဝန်ခံများ နှင့် ဒုတိယတာဝန်ခံများ၊ ရန်ကုန်ဘဏ်ခွဲများရှိ ဘဏ်ခွဲတာဝန်ခံများနှင့် ဒုတိယဘဏ်ခွဲတာဝန်ခံများမှ ကိုယ်တိုင်တက်ရောက် ခဲ့ကြပြီး နယ်ဘဏ်ခွဲများမှ ဘဏ်ခွဲတာဝန်ခံများနှင့် ဒုတိယဘဏ်ခွဲတာဝန်ခံများမှ zoom ဖြင့် တက်ရောက်ခဲ့ ကြပါသည်။
