MOU သဘောတူညီမှုစာချွန်လွှာ လက်မှတ်ရေးထိုးပွဲ
(၁၉.၂.၂၀၂၆) နေ့က ပထမပုဂ္ဂလိကဘဏ်နှင့် မြန်မာ့စီးပွားစီမံအမှုဆောင်များအသင်း (𝗠𝗕𝗘) တို့အကြား နှစ်ဦးနှစ်ဖက်အကျိုးဖြစ်ထွန်းစေမည့် ပူးပေါင်းဆောင်ရွက်မှုများလုပ်ဆောင်သွားနိုင်ရန် အတွက် နားလည်မှု စာချွန်လွှာ (𝗠𝗢𝗨) လက်မှတ်ရေးထိုးခြင်း အခမ်းအနားကို ပထမပုဂ္ဂလိကဘဏ် ရုံးချုပ် အစည်းအဝေးခန်းမ၌ ပြုလုပ်ခဲ့ပါသည်။
အခမ်းအနားသို့ ပထမပုဂ္ဂလိကဘဏ်၏ အမှုဆောင်ဒါရိုက်တာ ဒေါ်လှလှဝင်း၊ ဒါရိုက်တာ ဦးထွန်းဝင်းနိုင်၊ သီးခြားလွတ်လပ်သော ဒါရိုက်တာ ဦးသက်ဆွေ၊ အမှုဆောင်အရာရှိချုပ် ဦးသူရ၊ ဒုတိယအမှုဆောင်အရာရှိချုပ် ဦးမျိုးမင်းချိုနှင့် 𝗠𝗕𝗘 အသင်းမှ ဥက္ကဌ ဦးမင်းဦး ဦးဆောင်သည့် အဖွဲ့ဝင်များ တက်ရောက်ခဲ့ကြပါသည်။
အခမ်းအနားတွင် ပထမပုဂ္ဂလိကဘဏ်၏ အမှုဆောင်ဒါရိုက်တာ ဒေါ်လှလှဝင်းနှင့် 𝗠𝗕𝗘 အသင်း ဥက္ကဌ ဦးမင်းဦးတို့မှ အမှာစကားပြောကြားခဲ့ကြပြီး၊ ပထမပုဂ္ဂလိကဘဏ်ကိုယ်စား အမှုဆောင်အရာရှိချုပ် ဦးသူရနှင့် ဒုတိယအမှုဆောင်အရာရှိချုပ် ဦးမျိုးမင်းချိုတို့ကလည်းကောင်း၊ 𝗠𝗕𝗘 အသင်းကိုယ်စား ဥက္ကဌဦးမင်းဦးနှင့် အထွေထွေအတွင်းရေးမှူး ဦးသိန်းဦးတို့ကလည်းကောင်း နားလည်မှု စာချွန်လွှာကို လက်မှတ်ရေးထိုးခဲ့ကြပါသည်။
ပထမပုဂ္ဂလိကဘဏ်မှ သီးခြားလွတ်လပ်သောဒါရိုက်တာ ဦးသက်ဆွေနှင့် 𝗠𝗕𝗘 အသင်းမှ အထွေထွေအတွင်းရေးမှူး ဦးသိန်းဦးတို့မှ ကျေးဇူးတင်စကား ပြောကြားခဲ့ကြပြီး နားလည်မှု စာချွန်လွှာ (𝗠𝗢𝗨) လက်မှတ်ရေးထိုးခြင်းအခမ်းအနား အောင်မြင်စွာပြီးစီးခဲ့ပါကြောင်း မှတ်တမ်းတင်ဖော်ပြအပ် ပါသည်။
