Sustainable Profitable Growth Forum 2026
ပထမပုဂ္ဂလိကဘဏ်လီမိတက်၏ Sustainable Profitable Growth Forum 2026 ကို ရန်ကုန်မြို့ Chatrium Hotel Royal Lake တွင် မေလ ၁-၂ ရက်များတွင် အောင်မြင်စွာကျင်းပခဲ့ပြီး ဒါရိုက်တာအဖွဲ့ဝင်များ၊ စီမံခန့်ခွဲမှုအဖွဲ့ဝင်များ၊ ရုံးချုပ်ဌာနတာဝန်ခံများနှင့် ဘဏ်ခွဲတာဝန်ခံများ တက်ရောက်ခဲ့ကြပါသည်။ Forum Day-1 တွင် ဒါရိုက်တာများနှင့် စီမံခန့်ခွဲမှုအဖွဲ့ဝင်များမှ Sustainable Profitable Growth နှင့် ပတ်သက်၍ ဘဏ်ခွဲတာဝန်ခံများအား လိုက်နာဆောင်ရွက်ကြရမည့် အချက်များကို ရှင်းလင်းတင်ပြဆွေးနွေးခဲ့ကြပြီး Forum Day-2 တွင် ဒါရိုက်တာအဖွဲ့ဝင်များမှ ဦးဆောင်ပြီး ရုံးချုပ်ဌာန တာဝန်ခံများနှင့် ဘဏ်ခွဲတာဝန်ခံများ ပါဝင်သော အဖွဲ့ (၆) ဖွဲ့ခွဲပြီး ၂၀၂၆-၂၀၂၇ ဘဏ္ဍာရေးနှစ်တွင် ရေရှည်တည်တံ့ခိုင်မြဲပြီး အမြတ်အစွန်းတိုးတက် ရရှိရေး ဆောင်ရွက်သွားမည့် နည်းလမ်းများကို ဝိုင်းဝန်းဆွေးနွေး အကြံပြုတင်ပြခဲ့ကြပါသည်။ Day-2 နေ့လည်ပိုင်းတွင် ၂၀၂၅-၂၀၂၆ ဘဏ္ဍာရေးနှစ်တွင် The Best Branch Performance Award ပထမဆု တောင်ကြီးဘဏ်ခွဲ၊ ဒုတိယဆု မြစ်ကြီးနားဘဏ်ခွဲ၊ တတိယဆု ဘုရင့်နောင်ဘဏ်ခွဲ တို့အား အမှုဆောင်ဒါရိုက်တာမှ ဆုများပေးအပ်ချီးမြှင့်ခဲ့ပါသည်။
