MOU သဘောတူညီမှုစာချွန်လွှာ လက်မှတ်ရေးထိုးပွဲ
(၂၆.၃.၂၀၂၆) နေ့က ပထမပုဂ္ဂလိကဘဏ်နှင့် မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်းချုပ် (MCEF)တို့အကြား နှစ်ဦးနှစ်ဖက်အကျိုးဖြစ်ထွန်းစေမည့် ပူးပေါင်းဆောင်ရွက်မှုများ လုပ်ဆောင်သွား နိုင်ရန်အတွက် နားလည်မှု စာချွန်လွှာ (𝗠𝗢𝗨) လက်မှတ်ရေးထိုးခြင်း အခမ်းအနားကို MCEF အစည်းအဝေးခန်းမ၌ ပြုလုပ်ခဲ့ပါသည်။
အခမ်းအနားသို့ ပထမပုဂ္ဂလိကဘဏ်၏ သီးခြားလွတ်လပ်သော ဒါရိုက်တာ နှင့် ဒါရိုက်တာအဖွဲ့ စီးပွားရေးမဟာဗျူဟာနှင့် လုပ်ငန်းတိုးတက်မှုဦးဆောင်ကော်မတီ ဥက္ကဌ ဦးသက်ဆွေ၊ ဒါရိုက်တာ ဦးထင်အောင်ကျော်ဦး၊ အမှုဆောင်အရာရှိချုပ် ဦးသူရ၊ ဒုတိယအမှုဆောင်အရာရှိချုပ် ဦးမျိုးမင်းချိုနှင့် MCEF အသင်းမှ ဥက္ကဌ ဦးရှိန်ဝင်း ဦးဆောင်သည့် အဖွဲ့ဝင်များ တက်ရောက်ခဲ့ကြပါသည်။
အခမ်းအနားတွင် ပထမပုဂ္ဂလိကဘဏ်၏ သီးခြားလွတ်လပ်သော ဒါရိုက်တာ ဦးသက်ဆွေ နှင့် MCEF အသင်း ဥက္ကဌ ဦးရှိန်ဝင်းတို့မှ အသီးသီး အမှာစကားပြောကြားခဲ့ကြပြီး၊ ပထမပုဂ္ဂလိကဘဏ်ကိုယ်စား အမှုဆောင်အရာရှိချုပ် ဦးသူရနှင့် ဒုတိယအမှုဆောင်အရာရှိချုပ် ဦးမျိုးမင်းချိုတို့ကလည်းကောင်း၊ MCEF အသင်းကိုယ်စား ဥက္ကဌ ဦးရှိန်ဝင်း နှင့် အထွေထွေအတွင်းရေးမှူးချုပ် ဦးကိုကိုလေး တို့ကလည်းကောင်း နားလည်မှု စာချွန်လွှာကို လက်မှတ်ရေးထိုးခဲ့ကြပါသည်။
