(29.8.2025) နေ့ ညနေပိုင်းက ပထမပုဂ္ဂလိကဘဏ် အများနှင့်သက်ဆိုင်သော ကုမ္ပဏီလီမိတက် ဒါရိုက်တာ အဖွဲ့ဝင်များနှင့် အစုရှယ်ယာရှင်များ၊ ဘဏ်နှင့်ဆက်သွယ်ဆောင်ရွက်သည့် Customer များ၏ ဂုဏ်ပြုညစာစားပွဲကို Jade Feast Restaurant (Mandalay) ၌ ပြုလုပ်ခဲ့ရာ ဘဏ်ဥက္ကဌ ဦးကျော်တင်နှင့် အမှုဆောင်ဒါရိုက်တာ ဒေါ်လှလှဝင်းတို့မှ အမှာစကားပြောကြားခဲ့ပြီးနောက် ညနေစာအား ရင်းနှီးစွာ အတူတကွ သုံးဆောင်ခဲ့ကြပါသည်။
(27.8.2025) နေ့က First Private Bank (ပထမပုဂ္ဂလိကဘဏ်) နှင့် iMyanmarHouse, CarsDB တို့မှ (MOU) သဘောတူညီမှုစာချွန်လွှာ လက်မှတ်ရေးထိုးပွဲကို ပန်းပဲတန်းမြို့နယ်၊ ဗိုလ်ချုပ် အောင်ဆန်းလမ်း၊ Junction City Office Tower (7-Floor) ရှိ iMyanmarHouse, CarsDB ရုံးချုပ်တွင် ကျင်းပခဲ့ရာ First Private Bank မှ ဦးသူရ (CEO) နှင့် iMyanmarHouse, CarsDB မှ ဦးနေမင်းသူ (CEO) တို့မှ (MOU) သဘောတူညီမှု စာချွန်လွှာအား လက်မှတ်ရေးထိုးခဲ့ကြပါသည်။
(26.8.2025) နေ့က ရန်ကုန်စီးပွားရေးတက္ကသိုလ် (ရွာသာကြီး) ၌ CAREER FAIR 2025 ကို ကျင်းပ ပြုလုပ်ခဲ့ရာ ပထမပုဂ္ဂလိကဘဏ်မှလည်း Silver Partner အဖြစ် ပါဝင်ခဲ့ပါသည်။ CAREER FAIR တွင် ပထမပုဂ္ဂလိကဘဏ် Internship Program 2025 နှင့်ပက်သက်၍ စီးပွားရေးတက္ကသိုလ်မှ ကျောင်းသူ၊ ကျောင်းသားများအား HR Department မှ အသေးစိတ် ရှင်းလင်းပြောကြားခဲ့ပြီး စိတ်ပါဝင်စားသည့် ကျောင်းသူ၊ ကျောင်းသားများနှင့် တွေ့ဆုံဆွေးနွေးခဲ့ပါသည်။
(၁၇.၈.၂၀၂၅) နေ့က ပထမပုဂ္ဂလိကဘဏ်လီမိတက်၊ ဘဏ်သင်တန်းခန်းမ၌ ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေး အသိပညာပေးဆွေးနွေးပွဲကို ပြုလုပ်ခဲ့ရာ ငွေကြေးဆိုင်ရာ စုံစမ်းထောက်လှမ်းရေးအဖွဲ့မှ ရဲမှူးကြီးမြင့်စိုးမှ ဆွေးနွေးပို့ချ ခဲ့ပါသည်။ အသိပညာပေးဆွေးနွေးပွဲသို့ အမှုဆောင်အရာရှိချုပ် နှင့် အရာရှိချုပ်များ၊ ဘဏ်ရုံးချုပ်ရှိ ဌာနတာဝန်ခံများ နှင့် ဒုတိယတာဝန်ခံများ၊ ရန်ကုန်ဘဏ်ခွဲများရှိ ဘဏ်ခွဲတာဝန်ခံများနှင့် ဒုတိယဘဏ်ခွဲတာဝန်ခံများမှ ကိုယ်တိုင်တက်ရောက် ခဲ့ကြပြီး နယ်ဘဏ်ခွဲများမှ ဘဏ်ခွဲတာဝန်ခံများနှင့် ဒုတိယဘဏ်ခွဲတာဝန်ခံများမှ zoom ဖြင့် တက်ရောက်ခဲ့ ကြပါသည်။
ပထမပုဂ္ဂလိကဘဏ်လီမိတက်၏ ၁/၂၀၂၅-၂၀၂၆ iCBS System အသုံးပြုခြင်း ကျွမ်းကျင်မှု သင်တန်းဆင်းပွဲနှင့် လုပ်ငန်းညှိနှိုင်းဆွေးနွေးပွဲကို (၂.၈.၂၀၂၅) နေ့က ဘဏ်သင်တန်းခန်းမ၌ ကျင်းပခဲ့ပါသည်။ သင်တန်းဆင်းပွဲသို့ အမှုဆောင် ဒါရိုက်တာ၊ အမှုဆောင်အရာရှိချုပ်၊ ဒုတိယအမှုဆောင်အရာရှိချုပ်နှင့် အရာရှိချုပ်များ၊ ဘဏ်ရုံးချုပ် ဌာနတာဝန်ခံများ၊ ရန်ကုန်ဘဏ်ခွဲများရှိ တာဝန်ခံနှင့် ဒုတိယ တာဝန်ခံများမှ ကိုယ်တိုင် တက်ရောက်ခဲ့ပြီး နယ်ဘဏ်ခွဲများရှိ တာဝန်ခံများနှင့် ဒုတိယတာဝန်ခံများမှ zoom ဖြင့် တက်ရောက်ခဲ့ပြီး အမှုဆောင်အရာရှိချုပ် ဦးသူရမှ သင်တန်းဆင်းအမှာစကား ပြောကြားခဲ့ပါသည်။
ဆက်လက်ပြီး လုပ်ငန်းညှိနှိုင်းဆွေးနွေးပွဲတွင် အမှုဆောင်ဒါရိုက်တာမှ ဘဏ်ရုံးချုပ်ဌာန တာဝန်ခံ များနှင့် ဘဏ်ခွဲများမှ Business Plan အတိုင်း လုပ်ငန်းဆောင်ရွက်ထားမှုနှင့် ပတ်သက်၍လည်းကောင်း၊ ဆက်လက် လုပ်ဆောင်သွားရမည့် လုပ်ငန်းစဥ်များနှင့် ပတ်သက်၍လည်းကောင်း ညှိနှိုင်းဆွေးနွေးခဲ့ပြီး လျာထားချက်များအတိုင်း ပြည့်မီအောင်ဆောင်ရွက်ရန် လမ်းညွှန်မှာကြားခဲ့ ပါသည်။
(17.6.2025) နေ့က ပထမပုဂ္ဂလိကဘဏ်လီမိတက် ရုံးချုပ်ဌာန တာဝန်ခံများအား အမှုဆောင် ဒါရိုက်တာဦးသိန်းလွင်မှ Management Roles & Responsibilities in Profitable Growth ခေါင်းစဉ်ဖြင့် စွမ်းဆောင်ရည်မြင့် သင်တန်းပို့ချခဲ့ရာ ဘဏ်ဥက္ကဌ ဦးကျော်တင်မှ အဖွင့်အမှာစကား ပြောကြားခဲ့ ပါသည်။
သင်တန်းသို့ ပထမပုဂ္ဂလိကဘဏ်ရုံးချုပ်မှ အမှုဆောင်အရာရှိချုပ်၊ ဒုတိယအမှုဆောင်အရာရှိချုပ် နှင့် အရာရှိချုပ်များ၊ ဌာနတာဝန်ခံများ တက်ရောက်ခဲ့ကြပါသည်။
(၇.၆.၂၀၂၅) နေ့က ပထမပုဂ္ဂလိကဘဏ်လီမိတက် ဘဏ်ရုံးချုပ်နှင့် ဘဏ်ခွဲများရှိ ဘဏ်ခွဲတာဝန်ခံများ၊ ဒုတိယဘဏ်ခွဲတာဝန်ခံများအား Core Banking Software (iCBS) နှင့်ပက်သက်၍ လုပ်ကိုင်ရာတွင် ပိုမိုကျွမ်းကျင်စွာ ဆောင်ရွက်နိုင်ရန် ရည်ရွယ်၍ မွမ်းမံသင်တန်းကို ဘဏ်သင်တန်းခန်းမ၌ ဖွင့်လှစ်ခဲ့ပါသည်။
သင်တန်းဖွင့်ပွဲတွင် အမှုဆောင်အရာရှိချုပ်နှင့် ဒုတိယအမှုဆောင်အရာရှိချုပ်တို့မှ သင်တန်းသား၊ သင်တန်းသူများ အား အဖွင့်အမှာစကား ပြောကြားခဲ့ကြပါသည်။
မွမ်းမံသင်တန်းသို့ ရန်ကုန်ဘဏ်ခွဲများရှိ ဘဏ်ခွဲတာဝန်ခံများ၊ ဘဏ်ခွဲဒုတိယတာဝန်ခံများ၊ စိတ်ပါဝင်စားသူအရာ ထမ်းများ၊ ဝန်ထမ်းအသစ်များမှ သင်တန်းခန်းမ၌လည်းကောင်း၊ နယ်ဘဏ်ခွဲများမှ zoom ဖြင့်လည်းကောင်း တက်ရောက်ခဲ့ကြပါသည်။
(၂၅.၅.၂၀၂၅) နေ့ ညနေပိုင်းတွင် ဘဏ်ဥက္ကဌနှင့် BOD အဖွဲ့ဝင်များမှ အောင်ပန်းဘဏ်ခွဲ ကြီးကြပ်ရေးကော်မတီဝင်များ၊ ဝန်ထမ်းများအား တွေ့ဆုံ၍ ညစာစားပွဲဖြင့် တည်ခင်းဧည့်ခံခဲ့ပါသည်။
(၂၄.၅.၂၀၂၅) နေ့တွင် တောင်ကြီးမြို့၌ ဘဏ်ဥက္ကဌနှင့် BOD အဖွဲ့ဝင်များမှ (၂၀၂၄-၂၀၂၅) ဘဏ္ဍာရေးနှစ်အတွက် Best Performance Award ဆုရရှိသော တောင်ကြီးဘဏ်ခွဲ ကြီးကြပ်ရေးကော်မတီဝင်များ၊ ဝန်ထမ်းများအား ဂုဏ်ပြုမှတ်တမ်းလွှာနှင့် ဂုဏ်ပြုလက်ဆောင်များ ပေးအပ်ချီးမြှင့်ခဲ့ပြီး ညနေပိုင်းတွင် ဂုဏ်ပြုညစာစားပွဲဖြင့် တည်ခင်းဧည့်ခံခဲ့ပါသည်။
(၁၃-၅-၂၀၂၅) နေ့ ညနေပိုင်းတွင် CEO မှ (2024-2025) ဘဏ္ဍာရေးနှစ်အတွက် Best Performance Award ဆုရရှိသော မြစ်ကြီးနားဘဏ်ခွဲ ဘဏ်ခွဲကြီးကြပ်မှုကော်မတီဝင်များနှင့် ဝန်ထမ်းများအား ညစာစားပွဲဖြင့် တည်ခင်းဧည့်ခံခဲ့ပြီး ဂုဏ်ပြုမှတ်တမ်းလွှာနှင့် ဂုဏ်ပြုလက်ဆောင်များကို ပေးအပ်ခဲ့ပါသည်။