ဦးထင်အောင်ကျော်ဦးသည် ရန်ကုန်နည်းပညာတက္ကသိုလ်မှ B.E (Electronics) ဘွဲ့ကို ရရှိခဲ့ပါသည်။ သူသည် တောင်ကြီးမြို့ရှိ Solar သောက်ရေသန့်စက်ရုံနှင့် ရန်ကုန်မြို့၊ လှိုင်သာယာမြို့နယ်ရှိ Sun Sun သောက်ရေသန့် စက်ရုံနှင့် Sun Sun အောက်စီဂျင်စက်ရုံတို့၏ ပိုင်ရှင် ဖြစ်ပါသည်။

ဦးထင်အောင်ကျော်ဦးသည် ၂၀၂၃ ခုနှစ်တွင် ပထမပုဂ္ဂလိကဘဏ်လိမိတက်၏ ဒါရိုက်တာအဖြစ် ရွေးချယ် ခန့်အပ်ခြင်းခံခဲ့ရပါသည်။ သူသည် ပထမပုဂ္ဂလိကဘဏ်၊ တောင်ကြီးဘဏ်ခွဲ၏ ဘဏ်ခွဲကြီးကြပ်မှုကော်မတီ အဖွဲ့ဝင်အဖြစ်လည်း ၂၀၁၀ ခုနှစ်ကတည်းက စတင်တာဝန်ထမ်းဆောင်ခဲ့ပါသည်။

သူသည် သောက်ရေသန့်ထုတ်လုပ်မှုလုပ်ငန်းတွင် ၂၃ နှစ်ကျော် အတွေ့အကြုံရှိသူဖြစ်ပြီး အောက်စီဂျင် စက်ရုံလုပ်ငန်းတွင်လည်း ၁၅ နှစ်ကျော် အတွေ့အကြုံရှိသူဖြစ်ပါသည်။ တောင်ကြီးနှင့် ရန်ကုန်မြို့များရှိ စီးပွားရေး နယ်ပယ်တွင် သူ၏ ကျယ်ပြန့်သည့် ဗဟုသုတများနှင့် ဘဏ်လုပ်ငန်းကဏ္ဍတွင် သူ၏ကာလရှည်ကြာစွာ ပါဝင် ပတ်သက်ခဲ့မှုတို့က တောင်ကြီးဘဏ်ခွဲသာမက ပထမပုဂ္ဂလိကဘဏ်လိမိတက်တစ်ခုလုံး၏ စီးပွားရေး ဖွံ့ဖြိုး တိုးတက်မှုအတွက် ကောင်းမွန်သည့် အခွင့်အလမ်းများကို ယူဆောင်လာပေးလျက်ရှိပါသည်။