ပထမပုဂ္ဂလိကဘဏ်၏ Products များ ရှင်းလင်းမိတ်ဆက်ပွဲ အခမ်းအနား
ပထမပုဂ္ဂလိကဘဏ်၏ Products များ ရှင်းလင်းမိတ်ဆက်ပွဲ အခမ်းအနားကို ရန်ကုန်စတော့အိတ်ချိန်း (YSX) ခန်းမ၌ (၁၃.၆.၂၀၂၆) ရက်နေ့ နံနက်ပိုင်းက ကျင်းပပြုလုပ်ခဲ့ရာ အမှုဆောင်ဒါရိုက်တာ ဦးသိန်းလွင်၊ ဒါရိုက်တာ ဦးထွန်းဝင်းနိုင်၊ သီးခြားလွတ်လပ်သော ဒါရိုက်တာ ဦးသက်ဆွေ၊ သီးခြားလွတ်လပ်သော ဒါရိုက်တာ ဒေါက်တာ လဲ့လဲ့ဝင်း၊ အမှုဆောင် အရာရှိချုပ် ဦးသူရ၊ ဒုတိယအမှုဆောင် အရာရှိချုပ် ဦးမျိုးမင်းချို၊ ဘဏ်ရုံးချုပ်နှင့် ရန်ကုန်ဘဏ်ခွဲများမှ ဘဏ်ခွဲတာဝန်ခံများ၊ ဖိတ်ကြားထားသော လုပ်ငန်းရှင်ကြီးများ တက်ရောက်ခဲ့ကြပါသည်။
အခမ်းအနားတွင် အမှုဆောင်ဒါရိုက်တာ ဦးသိန်းလွင်မှ ပထမပုဂ္ဂလိကဘဏ်၏ အကြောင်းနှင့် ပတ်သက်၍ လည်းကောင်း၊ ဒုတိယ အမှုဆောင်အရာရှိချုပ် ဦးမျိုးမင်းချိုမှ ပထမပုဂ္ဂလိကဘဏ်၏ Products များနှင့် ပတ်သက်၍ လည်းကောင်း အသီးသီး မိတ်ဆက်ရှင်းလင်း ပြောကြားခဲ့ကြပါသည်။
တက်ရောက်လာကြသည့် လုပ်ငန်းရှင်ကြီးများမှ လည်း သိရှိလိုသည်များကို မေးမြန်းခဲ့ကြရာ အမှုဆောင်ဒါရိုက်တာနှင့် ဒုတိယ အမှုဆောင်အရာရှိချုပ်တို့မှ ပြန်လည်ရှင်းလင်း ဖြေကြားခဲ့ကြပါသည်။
